Yay fəsli dadlı və bol vitaminli meyvələrin vaxtıdır. Əgər yayın dadını soyuq qış günləri üçün saxlamaq istəyirsinizsə, bu işdə sizə GORENJE şirkətinin meyvə və tərəvəz qurudanı kömək edəcək. GORENJE FDK500GCW modeli 5 ədəd üst-üstə yığılan qablar ilə təchiz edilib. Qablar şəffaf plastikdən hazırlanıb. Beləliklə, qurutma prosesini asanlıqla izləyə biləcəksiniz. 380 Vt gücü sayəsində cihaz meyvələri, giləmeyvələri, müxtəlif otları, bitkiləri, göyərtini və hətta əti sürətli quruda bilir.

Qablarda eyni anda bir neçə fərqli meyvə və tərəvəz qurutmaq olar. Qurutma zamanı ventilyator vasitəsilə şaquli hava axını yaradılır və isti hava qablar arasında bərabər paylanılır. Nəticədə həm meyvələr sürətli qurudulur, həm də qoxular bir-birinə qarışmır. Cihaz elektron idarə etmə paneli və rəqəmsal displeyə sahibdir. İstifadəsi isə çox asandır. Displeydə lazım olan temperaturu və qurutma müddətini seçib qurğunu işə salın. Temperaturu 35°C-dən 70°C qədər, qurutma müddətini isə 30 dəqiqədən 19,5 saata qədər təyin etmək olar.

Mətbəxinizdə GORENJE FDK500GCW qurudan ən sevdiyiniz köməkçiniz olacaq. Onun vasitəsilə yeni dadlar, ləzzətli reseptlər kəşf edəcəksiniz. Günün yorğunluğunu almaq üçün topladığınız və qurutduğunuz bitkilərdən ətirli çay dəmləyin. Xəmirdən bir neçə porsiyalıq xəngəl, makaron hazırlayıb qurudun. Övladlarınızı ləzzətli qurudulmuş giləmeyvələr ilə sevindirin. Bu cihaz sayəsində ailəniz il boyu sağlam qidalanacaq.