Yeni iPhone 13 Kontakt Home onlayn mağazasında təqdim edilib. iPhone innovativ kamera sistemi, daha tutumlu batareyası və yeni Apple A15 Bionic prosessoru ilə seçilir.

2021-ci ilin ən çox gözlənilən smartfonu artıq Azərbaycanda! Yeni iPhone 13 Pink modelini qarşılayın. Apple pərəstişkarlarını unikal kameraları, daha həcmli batareyası və yeni çipin inanılmaz məhsuldarlığı ilə sevindirdi.

Ekran və Görünüş

Yeni modeldə nə dəyişib sualı sizi maraqlandırırsa ilk növbədə gözə böyük displey çarpır. Smartfon Super Retina XDR ekranı ilə təchiz edilib. 6.1 düymlü OLED ekranın parlaqlığı 28% artırılıb və 800 nit təşkil edir. Hətta gün işığı altında görüntü mükəmməl təsvir edilir. Kontenti HDR keyfiyyətində izləyəndə isə parlaqlıq 1200 nitə qədər artırılır. Eyni zamanda displey enerjini daha səmərəli sərf edir. Danışıq dinamiki üst hissəyə qaldırılıb, nəticədə ön kameranın yerləşdiyi “bangs” daha yığcam ölçülərə sahibdir.

Displeyi zərbələrə davamlı Ceramic Shield qoruyur. Smartfon təsadüfən əlinizdən hətta asfalta düşsə belə ekran zədələnməyəcək. Korpusun yan hissələri mat alüminiumdan, arxa panel möhkəm və hamar şüşədən hazırlanıb. Sözügedən model zərif çəhrayı rəngdə təqdim edilib.

Kameralar

Hər kəsi daha çox maraqlandıran məqam əlbəttə ki, kamera sistemidir. İlk növbədə diqqəti cəlb edən yenilik arxa paneldə kameraların diaqonal yerləşdirilməsidir. Bunun səbəbi kameraların daha böyük olmasıdır. Beləliklə, Apple kamera blokuna daha güclü kameralar yerləşdirə bilib. Hər iki kamera 12 meqapiksellidir. Yeni ultra geniş bucaqlı kamera zəif işıq şəraitində daha çox detallar tuta bilir. Hətta gecə zamanı ideal kadrlar yaradacaqsınız. Geniş bucaqlı kamera isə şəkillərinizi 47%-dək daha aydın və parlaq edir. Yeni optik stabilləşdirmə sistemi ilə istənilən vəziyyətdə dəqiq kadrlar əldə edəcəksiniz.

Əlavə tətbiq yükləmədən peşəkar keyfiyyətli videolar yarada bilməyiniz üçün "Kinoeffekt" rejimi əlavə edilib. Bu rejim vasitəsilə Boke effektini videolarınız üçün istifadə edib unikal nəticə əldə edəcəksiniz. Artıq yaratdığınız videolar məşhur rejissorların çəkdiyi kinolardan fərqlənməyəcək.

Digər yenilik Smart HDR 4 rejiminə aiddir. Kollektiv şəkillərdə kamera insanları 4 nəfərə qədər müəyyənləşdirə bilir. Daha sonra kontrast, aydınlıq və parlaqlıq hər bir nəfər üçün individual olaraq tənzimlənir.

Kamera bloku ilə yanaşı ekranda yerləşən 12 meqapikselli TrueDepth kamerası da "Kinoeffekt" və Smart HDR 4 rejimlərində fotoşəkillər yarada bilir. Artıq selfiləriniz daha keyfiyyətli olacaq. Bundan başqa smartfonun kameraları Dolby Vision HDR standartında videolar yarada bilirlər.

Avtonomluq və Məhsuldarlıq

iPhone 13 3240 mAh həcmli batareya ilə təchiz edilib. Bu isə o deməkdir ki, bu modelin istifadə müddəti daha öncəki iPhone-lərlə müqayisədə 2.5 saat artırılıb. Smartfonun məhsuldarlığına isə ən yeni Apple A15 Bionic prosessoru cavabdehdir. Prosessor cihazı daha sürətli və enerjini daha səmərəli sərf edən edib. Bundan başqa, sözügedən çip kameraların dəqiq və keyfiyyətli işləməsini, qrafikanın sürətli emalını və bütün məlumatlarınızın qorunmasını təmin edir.