Keyfiyyətli və iri həcmli soyuducu axtarırsınızsa sizin üçün əla təklifimiz var! Toplam həcmi 457 litr olan Toshiba GR-RF610WE-PGS(22) soyuducu modeli böyük ailələr üçün əlverişli seçimdir. Dəbli qara rəngi, metal qapılar və LED displey sayəsində soyuducu müasir interyerə rahat uyğunlaşır.

Cihaz ikikameralıdır. Hər iki kamera No Frost əritmə sisteminə sahibdir. Nəticədə kamera daxilində buz əmələ gəlməsinin qarşısı alınır və sağlam soyutma prosesi təmin edilir. Ən əsası isə, soyuducunun buzdan təmizlənməsinə əlavə vaxt sərf etməyəcəksiniz. Modeldə 4 qapı mövcuddur və qapı istiqamətini mətbəxinizin xüsusiyyətlərinə əsasən rahat dəyişə bilərsiniz. Soyuducunun hündürlüyü 189.8 sm, eni 83.3 sm, dərinliyi isə 64.8 sm-dir.

Dondurucu kamera aşağıda yerləşir və 121 litr tutumundadır. Daxilində 6 ədəd konteyner var. Dondurucunun həcmi qış üçün istənilən meyvə və tərəvəzləri dondurmaq, iri ərzaqları rahat yerləşdirmək üçün imkan yaradır. Buz generatoru sayəsində isə yayın qızmar günlərində ailəniz üçün sərinləşdirici içkilər hazırlaya bilərsiniz. Soyuducu kameranın həcmi 336 litrdir. Daxilində 4 ədəd rəf və 2 konteyner var. Rəflər möhkəm şüşədən hazırlanıb. Hər iki qapıda əlavə 3 rəf yerləşdirilib.

Origin Invertor soyuducunun daxilində stabil temperaturun saxlanılmasını təmin edir. Beləliklə, ərzaqlarınız uzun müddət təravətliyini itirməyəcək. Alloy cooling texnologiyası sayəsində isə məhsullar sürətli və bərabər dondurulur. Effektiv soyutma ilə yanaşı Toshiba GR-RF610WE-PGS(22) elektrik enerjini çox səmərəli sərf edir: cihaz A+ enerjiistifadə sinfinə aiddir.

Soyuducunun digər üstünlüyü səssizliyidir. Model cəmi 43 dB səs səviyyəsi ilə işləyir. Hər bir soyuducunun effektivliyinə ətrafdakı hava temperaturu təsir edir. Bu model N, SN, ST, T iqlim sinfinə aiddir. Bu o deməkdir ki, hava temperaturu +10°C - +43°C arası olsa belə soyuducunun keyfiyyətli işi təmin edilir.

Toshiba GR-RF610WE-PGS(22) soyuducusunu 1 illik zəmanətlə əldə etmək üçün Kontakt Home mağazalarına gəlməyə tələsin. Vaxtınız məhduddursa “Canlı video məsləhətçi” xidmətimizdən yararlanıb soyuducunun xüsusiyyətləri ilə evinizdən çıxmadan tanış ola bilərsiniz. Əməkdaşımız bütün suallarınızı cavablandırmaqdan şad olacaq.